Türkiyənin Kahramanmaraş şəhərində “Azərbaycan” məhəlləsi layihəsi çərçivəsində Heydər Əliyev ibtidai məktəbinin rəsmi açılışı olub.
Publika.az xəbər verir ki, açılış tədbiri Azərbaycanın elm və təhsil naziri Emin Əmrullayev, Türkiyənin təhsil naziri Yusuf Tekin və hər iki ölkənin nümayəndə heyətlərinin iştirakı ilə baş tutub.
Məktəb Azərbaycan bulvarı ilə Heydər Əliyev bulvarının kəsişdiyi Hayrullah məhəlləsində məktəb və məscid kimi əraziləri özündə birləşdirən 1000 evlik məhəllənin ilk binasıdır. Məktəbdə idman zalı, kitabxana, məscid və zərurət yarandıqda sığınacaq kimi istifadə edilə bilən yer də mövcuddur.
Türkiyədə baş verən 6 fevral zəlzələsindən sonra Azərbaycan xalqı qardaş ölkəyə hər sahədə dəstək olmağa davam edir.
