Rusiya gecə boyu Ukraynaya qarşı hava hücumlarını davam etdirib.
"Cebheinfo.az" xəbər verir ki, Ukrayna Hərbi Hava Qüvvələrindən verilən açıqlamada Rusiyanın 44 pilotsuz uçuş aparatından (PUA) 27-sinin vurulduğu, Rusiyanın da ölkə ərazisinə iki raket atdığı bildirilib.
Xarkov qubernatorluğundan verilən açıqlamada raket hücumu nəticəsində Lyubotin qəsəbəsindəki binaların zərər gördüyü, 3 nəfərin isə yaralandığı bildirilib.
Dnepropetrovsk vilayətinin qubernatoru Serhiy Lısak hava qüvvələrinin bölgədə 5 PUA və 1 raketi zərərsizləşdirdiyini açıqlayıb. Lısak hücumlarda 2 nəfərin yaralandığını, 12 evin, elektrik və qaz borularının zədələndiyini bildirib.
Lvov vilayət hökumətindən verilən açıqlamada zərərsizləşdirilən pilotsuz uçuş aparatının hissələrinin sənaye sahəsinə düşməsi nəticəsində 4 pikapın alovlandığı qeyd edib.
Bildirilib ki, yanğına 32 yanğınsöndürəndən ibarət qrup müdaxilə edib və hücum zamanı xəsarət alan olmayıb.
