Məhkəmə “Telegram”ın həmtəsisçisi Pavel Durovun 6 ay müddətinə Fransanı tərk etməsinə qadağa qoyub.
APA xəbər verir ki, bu barədə RİA Novosti “Paris Match”a istinadən məlumat yayıb.
Məlumatda o da qeyd olunur ki, Durov hazırda Parisdə məhkəmənin verdiyi müddət ərzində qala biləcəyi kirayə ev axtarır.
Qeyd edək ki, Pavel Durov avqustun 24-ü axşam saatlarında Paris hava limanında saxlanılıb. O, dörd gün həbsdə qalıb və məhkəməyə gəlib. İş adamı 12 maddə üzrə cinayətlərdə iştirakda şübhəli bilinir.
