Helikopterlərin "qara qutu"sunda hansı məlumatlar olur? - AÇIQLAMA

Helikopterdə iki "qara qutu" var. Onlardan birində hadisə anında pilotla yer arasındakı danışıqlar, digərində isə texniki nasazlığın hansı səbəbdən baş verdiyi qeyd olunur.

 

Modern.az xəbər verir ki, bunu Trend-ə təhlükəsizlik məsələləri üzrə ekspert İlham İsmayıl deyib.

 

O, "qara qutu"da hansı məlumatların yer aldığından da danışıb.

 

"Əgər yerdən müdaxilə olunubsa, həmin "qara qutu" açılan zaman bunu orada qeydə alınan danışıqlardan müəyyənləşdirmək olur. Texniki nasazlıq məsələsinə gəlincə, bu, yeni helikopterdə də ola bilər, uçuş zamanı da yarana bilər. Bütün bu məsələlər istintaqın gedişində aşkarlanacaq", - deyə, ekspert bildirib.

 

Xatırladaq ki, noyabrın 30-da Dövlət Sərhəd Xidmətinin hərbi helikopteri Xızı rayonu ərazisində yerləşən “Qaraheybət” aviasiya poliqonunda təlim uçuşları zamanı qəzaya uğrayıb.

Mənbə:
0
85
0
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar