“Azərbaycan Sənaye Korporasiyası” ASC-nin hesabatı “sıfırdan” ibarətdir

“Azərbaycan Sənaye Korporasiyası” ASC 2020-ci il üçün özünün audit hesabatını təqdim edib. Hesabat isə bir vərəq ağ kağızdan ibarətdir, yəni korporasiyanın fəaliyyəti sıfırdan ibarət olub. Bu haqda “Turan” agentliyi bildirir.

“Azərbaycan Sənaye Korporasiyası” ASC 2017-ci ildə Beynəlxalq Bankın toksik aktivlərinin idarə edilməsi üçün yaradılıb. Korporasiya özünün maliyyə hesabatını ilk dəfə 2019-cu ildə açıqlayıb. Lakin o vaxt da hesabat üç səhifədən ibarət audit rəyindən ibarət idi.

Ötən il “Azərbaycan Sənaye Korporasiyası” özünün internet səhifəsində beş törəmə şirkətinin (“Azəraliminium” MMC, “Azərpambıq ASK” MMC, “Azəripək” MMC, “ASK Ayaqqabı” MMC və “ASK Şüşə” MMC) maliyyə hesabatlarını yerləşdirib. Korporasiyanın balansında cəmi 50-dən yuxarı hüquqi şəxs var, amma saytda onların 16-ı barədə məlumat verilir.

Bildirilir ki, 2020-ci ilin yanvarında “Azərbaycan Sənaye Korporasiyası” ASC-nin və onun törəmə şirkətlərinin konsolidə edilmiş maliyyə hesabatlılığına dair beynəlxalq standartlara uyğun auditin keçirilməsi üçün müqavilə bağlanıb. “Baker Tilly Azerbaijan” QSC ilə bağlanmış müqavilənin dəyəri 389,4 min manat və ya 229 min dollar olub.

Korporasiyanın ödənilmiş nizamnamə kapitalı 500 milyon manat təşkil edir. 2019-cu ildə hökumət Bakının Qaradağ rayonunda tikintisi yarımçıq qalmış və Hacı İbrahimə məxsus olmuş “Yeni Şəhər” yaşayış kompleksini də korporasiyanın balansına verib. Bu aktiv 489 milyon manat qiymətləndirilib.

 

 

Mənbə:
0
555
0
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar