<p><strong>Futbol üzrə Azərbaycan və İrlandiya milli komandaları arasında keçiriləcək 2022-ci il dünya çempionatının seçmə oyunu üçün biletlər bu gündən satışa çıxarılıb.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, COVİD-19 pandemiyası ilə əlaqədar qarşılaşmaya stadionun azarkeş tutumunun 50%-i qədər azarkeş buraxılacaq.</p><p>Biletləri iTicket mobil tətbiqi, veb saytı və ya Gənclik Mall və 28 Mall-da yerləşən iticket bilet satış məntəqələrindən əldə etmək olar.</p><p>Pandemiya ilə əlaqədar təması minimuma endirmək məqsədilə biletlər elektron formada təqdim ediləcək. Mobil tətbiq və ya veb-saytdan elektron bilet əldə etdikdə, həmin bilet alıcının e-mail ünvanına göndərilir və ya şəxsi kabinetində görünür.</p><p>Bilet satış məntəqəsindən bilet əldə etdikdə, elektron bilet alıcının e-mail ünvanına göndərilir, ehtiyac olarsa, A4 formatında çap edilib təqdim olunur. Oyun günü stadiona daxil olmaq üçün elektron bileti telefondan oxutmaq və ya A4 formatında çap edilmiş bileti təqdim etmək olar.</p><p>Biletlərin qiymətləri kateqoriyalara uyğun olaraq 2 manat, 5 manat, 10 manat və 15 manatdir.</p><p>Azarkeşlər stadiona COVİD-19-la bağlı sanitar-gigiyenik prosedurlara riayət olunması şərtilə buraxılacaq. Stadionda hərəkət edərkən və əyləşərkən təhlükəsizlik məqsədilə sosial məsafənin qorunması xahiş olunub.</p><p>Qeyd edək ki, oktyabrın 9-da Bakı Olimpiya Stadionunda keçiriləcək Azərbaycan - İrlandiya matçı saat 20:00-da başlanacaq.</p>
<p><strong>Azərbaycanda qeyri-rəsmi dostluq səfərində olan Rusiya Federasiyası Hərbi Dəniz Donanmasının Xəzər flotiliyasının “Astraxan” və “Anatoliy Qujvin” hərbi gəmiləri sentyabrın 20-də Bakı limanını tərk ediblər.</strong></p><p>Bu barədə <span class="red"><a target="_blank" href="http://axar.az">Axar.az</a></span>-a Müdafiə Nazirliyindən məlumat verilib.</p>
<p><strong>Mən krallıq etdiyim məkanları sevirəm. Elə bir məkanda olmalıyam ki, orada lider mən olum və sözüm keçsin.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bunu xalq artisti Nisə Qasımova qatıldığı “ Özəl” verilişində deyib.</p><p>“Əyləncəli şou proqramlara dəvət alırdım və bəzi aparıcılar məni sıradan bir müğənni kimi təqdim edirdilər. Bir xanımı səhnəyə dəvət edəndə onu seçməlidirlər. İstəməzdim yeni səhnəyə çıxan qadınların yanında mən “xanım” ifadəsi olmadan təqdim olunum”, - xalq artisti deyib</p>
<p><strong>Delta ştammı peyvənd olunmayan hər kəsi ovlayacaq.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bu barədə İngiltərə alimlərinin apardığı araşdırmada bildirilib.</p><p>Alimlərin fikrincə, peyvənd olunmayan hər kəs bu ştamma yoluxacaq:</p><p>“BioTech peyvəndinin deltadan qoruma faizi 88-dir. Bu ştamm əvvəlkilərə nisbətdə daha yoluxucudur. Deltadan qorunmaq demək olar ki, mümkünsüzdür”.</p>
<p><strong>Paytaxtın müxtəlif yerlərində yerüstü piyada keçidlərinin inşası illərdir ki, yekunlaşmır. Bu hal isə həmin ərazilərdən istifadə edən piyadalar üçün təhlükə yaradır.</strong></p><p><span class="red"><a target="_blank" href="http://axar.az">Axar.az</a></span> Xəzər TV-yə istinadən xəbər verir ki, keçidlərdən birinin sadəcə bünövrəsi qoyulub, digəri isə təhvil verilmir.</p><p>Məsələn, paytaxtın 8 Noyabr prospekti və Koroğlu Rəhimov küçəsində belə vəziyyət yaşanır. Ərazidə piyada keçidində işlər yekunlaşmadığı üçün insanlar sürətlə şütüyən maşınların arasından həyatlarını təhlükəyə ataraq yolu keçirlər.</p><p>Piyadaların avtomobil yolundan nizamsız keçməsi sürücülərin də işini çətinləşdir. Belə olan halda isə qəzalar qaçılmaz olur.</p><p>Azərbaycan Avtomobil Yolları Dövlət Agentliyi məsələyə münasibət bildirib. Qeyd olunub ki, piyada keçidlərində tikintinin yarımçıq qalmasının səbəbi büdcə ilə bağlıdır.</p><p><iframe allow="accelerometer;" autoplay; clipboard-write; encrypted-media; gyroscope; picture-in-picture" allowfullscreen="" frame height="415" scrolling="no" src="https://www.youtube.com/embed/9VLqW-7BAE0" title="YouTube" video player" width="650"></iframe></p>
<p><strong>Son beş-altı ildir Türkiyənin Orta Asiya, Qafqaz və Əfqanıstanda təsiri yüksəlib.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bunu Vaşinqtonun “Heritage Foundation” araşdırma institutunun hərbi eksperti, Duqlas və Sara Allison Siyasi Mərkəzinin direktoru Lyuk Koffi deyib.</p><p>O bildirib ki, münasibətlərdəki mövcud çətinliklərə baxmayaraq, Türkiyənin müttəfiqliyi və NATO-dakı yeri ABŞ-a böyük fayda verir:</p><p>"BMT-nin bugünkü əhəmiyyətli beynəlxalq məsələlər qarşısında öhdəsinə götürdüyü rolla bağlı nikbin deyiləm. Bunun əsas səbəbi dövlətlərin milli maraqlarını əsas götürməsi və dünyadakı bir çox vacib, mübahisəli məsələ barədə həmfikir olmamasıdır.</p><p>Təkcə bir il əvvəlki Qarabağ Müharibəsinə baxa bilərik. Bu müharibədə Azərbaycan, demək olar ki, 30 illik uğursuz BMT prosesi və uğursuz ATƏT prosesindən sonra 90-cı illərdə qəbul edilən dörd BMT qətnaməsini özü həyata keçirməyə məcbur oldu.</p><p>BMT bu məsələni həll etmək məsələsində istəksizlik və ya könülsüzlük sərgilədi”.</p>
<p><strong>Dövlət İmtahan Mərkəzi (DİM) tərəfindən sentyabrın 19-da dövlət qulluğunda inzibati rəhbər (A növü) vəzifələrə aid vəzifə qrupları (AB, AC) üzrə test imtahanı keçirilib.</strong></p><p>DİM-dən <span class="red"><a target="_blank" href="http://axar.az">Axar.az</a></span>-a bildirilib ki, namizəd tərəfindən imtahan yekunlaşdırıldıqda və ya imtahan üçün ayrılan vaxt başa çatdıqda ona nəticələrə dair arayış təqdim olunub.</p><p>COVID-19 infeksiya ilə əlaqədar ehtiyat tədbirləri çərçivəsində görülən işlərə uyğun olaraq imtahan binasına yalnız tibbi maska ilə daxil olmağa icazə verilib və namizədlərin məsafədən ölçə bilən elektron termometrlə bədən hərarətləri yoxlanılıb, zəruri dezinfeksiyaedici vasitələrdən istifadə olunub. İmtahan zalında namizədlərin bir-birindən lazımi uzaq məsafədə əyləşdirilməsi təmin olunub.</p><p>Test imtahanından müvəffəqiyyətlə keçən namizədlər sertifikat əldə etmək üçün sentyabrın 20-dən oktyabrın 1-dək DİM-in portalında müraciət formasını doldurmalıdırlar. Namizədin təqdim etdiyi məlumatların düzgünlüyünün yoxlanılması məqsədilə aşağıda qeyd olunan sənədlərin skan edilmiş surətləri formaya əlavə edilir:</p><p>-ali təhsil haqqında sənədin surəti;</p><p>-əmək kitabçasının surəti (olduğu halda).</p><p>Müraciət formasına daxil edilmiş məlumatların və əlavə edilmiş sənədlərin düzgünlüyünün dövlət elektron informasiya vasitələrilə yoxlanılması mümkün olmadığı halda, namizəd həmin sənədin (sənədlərin) müəyyən edilmiş qaydada təsdiq olunmuş surətlərini və ya eyniləşdirmə məqsədilə həmin sənədlərin əslini 5 iş günü müddətində DİM-ə təqdim etməlidir.</p><p>Namizədlər malik olduğu sertifikatda nəzərdə tutulmuş vəzifə, habelə həmin altqrupun aid olduğu qrup daxilində daha aşağı altqruplara uyğun vəzifə üzrə keçirilən müsahibələrdə iştirak edə bilər. Müsahibədə iştirak üçün müraciət edən namizəd qanunvericiliklə müəyyən edilmiş vakant vəzifələrin tutulmasının ümumi şərtlərinin tələblərinə cavab verməlidir.</p><p>İmtahanın nəticələri ilə bağlı Apellyasiya Komissiyası 20-22 sentyabr tarixlərində saat 14:00-dan 17:00-dək DİM-də fəaliyyət göstərəcək. Ünvan: Bakı şəhəri, Nəsimi rayonu, Ə.Salamzadə, 28 (keçmiş Bakı Asiya Universitetinin binası).</p>
<p><strong>Futbol üzrə Türkiyə millisinin yeni baş məşqçisi bəlli olub.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, Türkiyə Futbol Federasiyası Stefan Kuntzla anlaşıb.</p><p>Almaniyalı mütəxəssis bu postda Niderlanda görüşdə 1:6 hesablı məğlubiyyətdən sonra istefa verən Şenol Güneşi əvəzləyəcək.</p><p>Baş məşqçi ilə müqavilə sabah, 20 sentyabrda imzalanacaq.</p>
<p><strong>Bataqlıqda Dalğıc Çempionatı ilk keçirildiyi illərdə o qədər diqqət çəkməsə də, bu gün kifayət qədər populyarlaşıb. Hər nə qədər çirkli bir idman növü kimi görünsə də, bu yarışların çox əhəmiyyətli məqsədi var. Belə ki, çempionatdan əldə olunan bütün gəlir xeyriyyə təşkilatına bağışlanır. Bu ənənə hər çempionatda davam etdirilir.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, ilk dəfə 74 yaşlı Qordon Qrin adlı şəxs turistlərin diqqətini çəkmək üçün bu idman növünü kəşf edib.</p><p>Qordon Qrin ilk yarışlarda özü də rəqib kimi turnirlərə qatılıb. İlk dəfə 1976-cı ildə Uelsdə həvəskar səviyyədə keçirilən bu idman növü 1985-ci ildən etibarən peşəkar olaraq Dünya Bataqlıq Dalğıc Çempionatı kimi təşkil edilib.</p><p>Yarışlar qadınlar və kişilər olmaqla iki ayrı kateqoriyada təşkil edilir. Digər idman növlərindən çox fərqlənsə də, bataqlıqda dalğıc qaydaları o qədər də mürəkkəb deyil. Əksinə, bu idman növü bir neçə əsas oyun qaydaları üzərində formalaşır. Qaydalar isə çox sadədir:</p><p>-Yarışlar düz bataqlıqda təşkil olunur.</p><p>-Yarışların məsafəsi 55 metr uzunluğunda bataqlıqlardır. İdmançıların bu məsafəni mümkün qədər tez tamamlamaları gözlənilir.</p><p>-Yarışlara qatılan idmançılar dalğıc maskası taxmalıdırlar.</p><p>-Müsabiqədə seçilən bataqlıqlar bir-birinə yaxın 2 ayrı kanal olaraq seçilir.</p><p>-Ən vacib qayda isə klassik üzgüçülük <a target="_blank" href="https://kayzen.az/blog/Azərbaycan-dili/15459/üslublar.html">üslublarının</a> qadağan edilməsidir. Bu idman növündə yalnız delfinəbənzər üzgüçülüyə icazə verilir. Bu zaman ayaqları qıvıraraq üzmək tələb olunur.</p><p>Qeyd edək ki, Bataqlıqda Dalğıc Çempionatının kişilər arasında dünya rekordçusu 2018-ci ildə Neil Rutter olub. O, 1 dəqiqə 18 saniyəyə üzüb. Qadınlar üzrə isə 2014-cü ildə Kirsti Conson 1 dəqiqə 22 saniyədə üzərək dünya rekordunu qırıb.</p>
<p><strong>Alimlər gecə yatarkən otaq lampasını yanılı qoyan, o cümlədən televizor qarısında yatan insanlarda müxtəlif simptomlar müşahidə ediblər. Dişi siçanlar üzərində aparılan araşdırma göstərib ki, gecə süni işığa məruz qalmaq sonsuzluq riskini artıra bilər.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, başqa bir araşdırma gecə növbəsində işləyən tibb bacılarının üzərində aparılıb. Məlum olub ki, əksər tibb bacıları hormon pozulmasından şikayətlənirlər.</p><p>Melatonin (beyin hormonu) nəinki bədən istiliyini, həm də təzyiqi aşağı salır. Gecələr işığa məruz qalsanız, melatonin istehsalınız azalır və təzyiqiniz yüksəlir. Bu, ürək xəstəliyi və iflic riskini artıra bilər.</p><p>Gecə süni işıqlandırma <a target="_blank" href="https://kayzen.az/blog/madd%C9%99l%C9%99r-m%C3%BCbadil%C9%99si/">maddələr mübadiləsi</a>nin yavaşlamasına səbəb olur. 43 mindən çox qadın üzərində aparılan araşdırma göstərib ki, televizor qarşısında yatanlarda çəki artımı müşahidə olunur. Hətta tək bir süni işıq mənbəyi də hormonal balansı dəyişə bilər.</p><p>Smartfonlardan, televizorlardan və ya kompüterlərdən gələn işıq melatonin çatışmazlığına səbəb olur. Bunun xaricində digər bioloji proseslər də pozulacaq.</p><p>Digər araşdırma gecə işığa məruz qalmanın depressiya riskini artırdığını göstərib. Sirkadiya ritminin pozulması da mövcud depressiya əlamətlərini pisləşdirir. Gün ərzində sağlam hiss etmək və sağlamlıq problemi yaşamamaq üçün kifayət qədər yuxu almaq çox vacibdir. Yuxu keyfiyyətinizi qorumaq üçün qaranlıqda yatmağa diqqət etməlisiniz.</p>
<p><strong>Türkiyənin Əfqanıstandakı mövqeyi Rusiyadan daha güclüdür.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bunu rusiyalı politoloq Mixail Maqid deyib.</p><p>“Misal, Taliban Kabil hava limanını yenidən açmaq üçün Türkiyədən texniki yardım istədi. Ancaq əsl məsələ budur ki, hazırda Pakistan Talibana daha yaxındır. Qətər də Talibanı dəstəkləyir. Dolayısı ilə Pakistan və Qətər bu gün Türkiyənin əsas beynəlxalq tərəfdaşlarıdır. Heç şübhəniz olmasın ki, Türkiyənin yeni Əfqanıstanda Rusiyadan daha çox şansı var”, - politoloq bildirib.</p>
<p><strong>Əvvəllər də dəfələrlə demişik: ölkənin Tarif Şurasının və əlaqədar idarələrinin qiymətqoyma siyasətini başa düşmək mümkün deyildir. Bunlar hansı məntiqlə hərəkət edirlər?</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bunu millət vəkili Sabir Rüstəmxanlı deyib.</p><p>“Əhalinin qazancından, dolanışıq imkanlarından xəbərləri yoxdurmu? Belə çıxır ki, gecə yatıb yuxuda nə görürlər, sabah onu həyata keçirirlər. Yoxsa neft ixrac edən bir ölkədə benzinin qiymətinə bir ildə üç dəfə əlavə artım gəlməsi nə deməkdir? Axı yanacağın bahalaşması anındaca bazarda bütün məhsulların qiymətini qaldırır və bunu inkar etmək mümkün deyildir. Qalib bir ölkədə əhalini rəsmi dairələrdən narazı salan belə addımları atanların niyyəti nədir?" - millət vəkili bildirib.</p>
<p><strong>Pakistan Taliban hərəkatı ilə dialoqa başlayıb.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bu barədə Pakistanın Baş naziri İmran Xan Tvitter hesabında bildirib.</p><p>"Dialoq Əfqanıstanda inklüziv hökumət yaradılmasına yönəldilib. Hökumət formalaşdırılarkən taciklərin, özbəklərin və xəzərlərin nümayəndələrindən də istifadə olunmalıdır", - İ.Xan qeyd edib.</p>
<p><strong>Bizim kriptovalyutaları qəbul etmək fikrimiz yoxdur.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bunu Türkiyə Prezidenti Rəcəb Tayyib Ərdoğan deyib.</p><p>"Əksinə, onlara qarşı ayrı bir mübarizəmiz var. Onlara heç vaxt belə bir mükafat vermərik, verə bilmərik. Çünki hazırda öz milli valyutamızla yolumuza davam edəcəyik", - deyə Ərdoğan bildirib.</p>
<p><strong>Qəhrəman ordumuz dost və müttəfiq ölkələri dəstəkləyərək beynəlxalq işçi qüvvələrindəki vəzifələrini müvəffəqiyyətlə yerinə yetirir.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bunu Türkiyə milli müdafiə naziri Hulusi Akar deyib.</p><p>"Cümhuriyyət tariximizin ən gərgin, təsirli və əhatəli mübarizəsini apardığımız bu dövrdə TSQ-nin bütün nailiyyətlərində ən böyük pay müqəddəs şəhidlərimizə və qəhrəman qazilərimizə məxsusdur. Şəhidlərimizin və qazilərimizin qəhrəmanlıqları və fədakarlıqları nəcib millətimizin xatirəsində əbədi yaşayacaq və heç vaxt unudulmayacaq. Onların qəhrəmanlıqları və fədakarlıqları həmişə anılacaq", - deyə Akar bildirib.</p>
<p><strong>Sentyabrın 18-də futbol üzrə Azərbaycan Premyer Liqasında IV tura start verilib.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, turun açılış matçı Qəbələdə baş tutub. Şəhərin eyniadlı komandası “Səbail”i qəbul edib. Qarşılaşma əyalət təmsilçisinin 5:0 hesablı qələbəsi ilə yekunlaşıb. “Qırmızı-qaralar”ın heyətində 65-ci dəqiqədə Rövlan Muradov hesabı açıb. Matçın 83-cü dəqiqəsində Ülvi İsgəndərov fərqi iki topa çatdırıb.</p><p>Oyunun 85-ci dəqiqəsində “Səbail”in yarımmüdafiəçisi Ədilxan Qarəhmədov ikinci sarı vərəqə alaraq meydandan qovulub. 89-cu dəqiqədə Ehtiram Şahverdiyev baxımlı qola imza atıb. Görüşün 90+1-ci dəqiqəsində Rafael Utriq topu paytaxt klubunun qapısından keçirib. Matçın 90+4-cü dəqiqəsində isə İsnik Alimi matçda son nöqtəni qoyub.</p><p>Xallarının sayını 10-a çatdıran “Qəbələ” birinci pilləyə yüksəlib. “Səbail” isə hələlik 6 xalla üçüncüdür.</p><p>Qeyd edək ki, günün digər oyununda “Zirə” “Sabah”ı qəbul edəcək. Sentyabrın 19-da “Neftçi” “Keşlə” ilə qarşılaşacaq. Tura sentyabrın 20-də keçiriləcək “Qarabağ”-“Sumqayıt” görüşü ilə yekun vurulacaq.</p>
<p><strong>Bir neçə gün əvvəl Gürcüstana rəsmi səfər edən Nikol Paşinyan Batumi şəhərində də olub.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bu məlumatı “Past” qəzeti yayıb.</p><p>Qəzet Paşinyanın Batumi şəhərinə səfərinin erməni ictimaiyyəti və Rusiyanın bir neçə siyasi dairəsi tərəfindən birmənalı qəbul edilmədiyini bildirib.</p><p>Məlumata görə, Paşinyan Batumidə 3-4 saatlıq yoxa çıxıb. Onun yeri haqqında nə Gürcüstan tərəfi, nə də baş nazirin protokol xidmətinin məlumatı olub.</p>
<p><strong>Türkiyə Silahlı Qüvvələri Egey və Şərqi Aralıq dənizlərində “Qətiyyət-2021” təlimlərinə start verib.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bu barədə Türkiyənin Milli Müdafiə Nazirliyi məlumat yayıb.</p><p>“Egey və Şərqi Aralıq dənizlərində keçiriləcək “Qətiyyət-2021” təlimləri başladı. Təlimlər çərçivəsində Türkiyənin quru, hərbi dəniz və hərbi hava qüvvələri, eləcə də Sahil Mühafizəsi Komandanlığına aid texnikanın qarşılıqlı fəaliyyətinin, qarşılıqlı dəstək imkanlarının sınaqdan keçirilməsi planlaşdırılır”, - MMN-in məlumatında qeyd olunub.</p>
<p><strong>Azərbaycan Respublikasının Xarici İşlər Nazirliyi (XİN) Çilini Müstəqillik Günü münasibətilə təbrik edib.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, bu barədə nazirliyin Tvitter hesabında qeyd olunub.</p><p>"Müstəqillik Günü münasibətilə dost Çili xalqına səmimi təbriklərimizi və ən xoş arzularımızı çatdırırıq. Müstəqillik gününüz mübarək, Çili!", - təbrikdə bildirilib.</p>
<p><strong>Türkiyə Prezidenti Rəcəb Tayyib Ərdoğan serbiyalı həmkarı Aleksandar Vuçiçlə görüşüb.</strong></p><p><span class="red"><a target="_blank" href="http://axar.az">Axar.az</a></span> xəbər verir ki, görüş mətbuata bağlı formada keçirilib.</p><p>Liderlərin beynəlxalq proseslər və Balkan yarımadası başda olmaqla, regional məsələləri müzakirə etdiyi deyilir.</p><p>Görüşün gündəm maddələrində Türkiyə və Serbiya arasında ticarət həcminin artırılması və birgə layihələrin də yer aldığı vurğulanır.</p>
<p><strong>Rusiya Beynəlxalq Kosmik Stansiyada bədii film çəkməyi planlaşdırır.</strong></p><p><span class="red"><a target="_blank" href="http://axar.az/news/kult/">Kult.az</a></span> xəbər verir ki, çəkiliş heyəti oktyabrın 5-də stansiyaya yollanacaq.</p><p>"Çağırış" adlı filmin çəkilişləri 12 gün davam edəcək.</p><p>BKS-ə kosmonavt Anton Şkaplerovla yanaşı, rejissor Klim Şipenko, aktrisa Yuliya Peresild və operator Aleksey Dudin səfər edəcək.</p><p>Çəkiliş heyəti oktyabrın 17-də Yerə qayıdacaq.</p>
