F-1.az xəbər verir ki, çempionatın lideri Martin, cümə günü duşda qəribə bir hadisə nəticəsində sol əlinin baş barmağında kəsik olmasına baxmayaraq, 15 dəqiqəlik sıralanma turunda 1:27.748 nəticə ilə möhtəşəm bir dövrə vurub və ötən il Red Bull Rinqdə iki dəfə qələbə qazanan Banyayanı geridə qoyub.
Martinin çempionluq uğrunda ən yaxın rəqibi Banyaya sessiyanın əvvəlində 1:28.605 ilə öz tempini dərhal müəyyənləşdirib, daha sonra GP24-də 1:28.142 ilə fenomenal bir dövrə vuraraq cümə günü göstərdiyi öz rekordunu yaxşılaşdırıb.
Lakin son 6 dəqiqədə ikinci cəhdlər üçün pilotlar trasa qayıdanda vəziyyət dəyişib. Buna Banyayanın ilk döngədə trasdan kənara çıxaraq bir dövrəni itirməsi də təsir edib.
Nəticədə ispan sürücü poula yiyələnib və rəqibini 0.141 saniyə qabaqlayaraq MotoGP tarixində bu trasda ilk dəfə olaraq 1 dəqiqə 28 saniyənin altında nəticə göstərən ilk sürücü oldu. Banyaya öz yeganə sürətli dövrəsində onun vaxtını keçə bilməyib.
