Ferrari komandasının rəhbəri Frederik Vasser Carlos Sainzlə müqavilənin niyə uzadılmayacağını kifayət qədər erkən bildirməsi barədə danışıb…
Frederik Vasser: “Mövsümün ilk hissəsini qiymətləndirərkən, Carlosun Ciddəni buraxdığını nəzərə alsaq, o çox yaxşı çıxış edib.
Sainz peşəkar və çox sabitdir, buna görə də mən onun işinə diqqət yetirə bilməsi üçün bəyanatı mümkün qədər tez vermək istədim. Aydın idi ki, müəyyən bir məqamda o, başqa bir komanda ilə müqavilə imzalamalı olacaq və bu diqqəti yayındıra bilər, lakin Carlos meqa peşəkardır, bu mövsümün ilk günündən belə olub, keçən il olduğu kimi.
Yay fasiləsindən əvvəlki son bir neçə həftədə jurnalistlərdə əvvəlkindən daha çox sual yarandı ki, bu da işə mane olurdu, lakin Belçika Qran-Prisinin sıralama turunu xatırlasaq, birinci və ikinci sessiyalarda o, əla çıxış etdi və yalnız finalın son dövrəsində səhv etdi. Onun cəmi beş metr gec tormozlamasından nəticə çıxarmaq lazım deyil, bu nəyinsə nəticəsi deyil – o, ilk iki sessiyada Şarlı qabaqlayırdı”.
