F-1.az xəbər verir ki, bütün komandalar belə böyük sponsorlar əldə etmək istəyir, lakin bu belə deyil. McLaren Racing-in icraçı direktoru Zek Brauna inansaq, o bu yanaşmanı bölüşmür, çünki çox güclü asılılığa düşmək istəmir. Məhz buna görə də Uokinq komandasının titul sponsoru yoxdur.
“İlk gündən istəyirdim ki, biz belə bir sponsordan asılı olmayaq, – Braun Avstriya nəşri Motorsport Magazin-ə deyib. – Əgər tərəfdaşlarımızın siyahısına baxsanız, onların arasında belə bir sponsor yoxdur. Komandanın titul sponsoru olanda, bu, təhlükəli olur, çünki əgər bu sponsor sizdən ayrılmağa qərar versə, büdcədə çox böyük boşluq yaranacaq.
Realist olmaq lazımdır və biz keçmişin dərslərini nəzərə almışıq. Müstəqil olmaq asan olmayıb, amma düşünürəm ki, bu yaxşıdır. Baxmayaraq ki, bu bizi yenidən əlverişsiz vəziyyətə düşməmək üçün daha çox çalışmağa məcbur edir.
Bizim indiki yanaşmamız xoşuma gəlir. Bununla belə, əgər uyğun bir brend peyda olsa və bizə düzgün tərəfdaşlıq şərtləri təklif olunarsa, onda biz belə bir əməkdaşlığa açıq olacağıq”.
Vaxtilə McLaren-in titul sponsorları olub – 80-ci və 90-cı illərdə tütün şirkətləri, əvvəlcə Marlboro, sonra West, 2007-ci ildə isə telekommunikasiya nəhəngi Vodafone oldu. Lakin onun getməsindən sonra komanda artıq 10 ildən çoxdur ki, sadəcə McLaren adlanır, yalnız Honda ilə əməkdaşlıq dövründə onun adına bu yapon brendi daxil edilmişdi.
