İsveçin Göteborqdan 150 kilometr şimalda yerləşən kiçik Götene şəhərində torpaqların 1 kvadratmetri 16 qəpiyə satışa çıxarılıb.
Publika.az xəbər verir ki, İtaliyanın başlatdığı 1 avroluq evlərin böyük maraq toplamasından sonra belə bir qərar verilib.
Şəhərin bələdiyyə başçısı Johan Mansson bölgəyə daha çox insanı cəlb etmək üçün bu addımı attıqlarını bildirib. Hazırda satışda olan torpaq sahələri 850 - 1200 kvadratmetr arasındadır.
May ayında plan elan edildikdən sonra minlərlə müraciət qəbul edilib. Lakin sıx tələbdən sonra tənzimləmələr etmək üçün avqustun əvvəlinə qədər satınalmalar dayandırılıb.
Digərləri kimi bu torpaqların alınmasının da müəyyən qaydaları var. Torpaqla bağlı tender prosesində iştirak etmək üçün ilk növbədə İsveç bank hesabınız olmalıdır.
