Niger hökuməti Ukrayna ilə diplomatik münasibətləri kəsdiyini elan edib.
Yeniavaz.com xəbər verir ki, bu barədə “Agence France-Presse” respublikanın rəsmi nümayəndəsi Amadu Abdramanın bəyanatına istinadla məlumat yayıb.
Məlumata görə, Niamey Ukraynanın təcavüzü ilə bağlı BMT Təhlükəsizlik Şurasına müraciət etmək qərarına gəlib.
Keçən il çevrilişdən sonra Nigerdə ​​hakimiyyətə gələn Vətənin Müdafiəsi üzrə Milli Şura Kiyevi terror təşkilatlarını dəstəkləməkdə ittiham edir.
Qeyd edək ki, bu yaxınlarda Mali rəhbərliyi də Kiyevin Afrika ölkəsindəki terrorçulara dəstəyinə görə Ukrayna ilə diplomatik münasibətləri kəsmək qərarına gəlib. Söhbət Ukraynanın Baş Kəşfiyyat İdarəsinin nümayəndəsi Andrey Yusovun silahlı terror qruplarının iyulun sonunda şimalda Tinzauaten ərazisində Mali Müdafiə və Təhlükəsizlik Qüvvələrinin hərbçilərinə qarşı törətdiyi hücumda Kiyevin iştirakı ilə bağlı bəyanatından gedir.
Mali hökuməti həmçinin Ukraynanın Seneqaldakı səfiri Yuri Pivovarovun ölkəsinin beynəlxalq terrorizmə, xüsusən Malidə birmənalı dəstəyini nümayiş etdirən ifadələrinə diqqət çəkib.
Ukrayna Xarici İşlər Nazirliyi isə bu addımı tələsik və uzaqgörən olmayan addım adlandırıb.

• Müraciət
• Bmt
• Ukrayna
• Diplomatiya
• Bmt Təhlükəsizlik Şurası
• Təhlükəsizlik Şurası
• Niger
• Diplomatik Əlaqələr
• Dünya Siyasəti