1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Azərbaycan təmsilçiləri Hidayət Heydərov (73 kq) və Zelim Kotsoyev (100 kq) dünya reytinqinin liderləri kimi qatıldıqları Paris-2024 Yay Olimpiya Oyunlarının qalibi olan azsaylı cüdoçu sırasında yer alıblar.
Oxu.Az xəbər verir ki, hər iki dünya çempionu Fransa paytaxtındakı yarışa öz çəkisində reytinq sıralamasının birincisi kimi başlayıb.
Hidayət və Zelimdən başqa, yalnız bir cüdoçu reytinq favoriti statusunu Parisdə doğrulda bilib. Üçlükdəki digər idmançı ikiqat Olimpiya çempionu gürcü Laşa Bekauridir. O, 90 kq çəkidə fərqlənib.
Qadınların yarışına gəlincə, dünya reytinqində lider olan dörd idmançı titul qazanıb. Bunlar özbək Diora Keldiorova (52 kq), kanadalı Krista Dequçi (57 kq), xorvatiyalı Barbara Matiç (70 kq) və italiyalı Alise Belandidir (78 kq).
