"Azərbaycanda inflyasiyanın hesablanması qaydasının ciddi dəyişikliyə ehtiyacı var. Azərbaycanda inflyasiya ilə bağlı əhalini narahat edən əsas ərzaq məhsulları inflyasiyasıdır. İndi Maliyyə Nazirliyinin proqnozu iqtisadi nəzəriyyə uyğun deyil".
Bu sözləri Hit.az-a iqtisadçı ekspert Natiq Cəfərli deyib.
O bildirib ki, bir neçə həftə əvvəl ölkədə benzin və dizel yanacağının qiyməti dəyişdi. Dizel yanacağının qiymətinin dəyişməsi həm yük daşıma, həm aqrar, həm də ərzaq məhsullarının qiymətinə təsir göstərir:
“Bu səbəbdən də açıqlanan proqnozun nəyə əsasən tərtib edildiyi bəlli deyil. Yanacaq qiyməti nəzərə alınsa, inflyasiyanın 5,3 faizdən 2, 7 faizə aşağı salınması inandırıcı görünmür".
Qeyd edək ki, Maliyyə Nazirliyinin yaydığı məlumatda bildirilir ki, 2024-cü ildə Azərbaycanda orta illik inflyasiya üzrə ilkin proqnoz 5,3% səviyyəsində nəzərdə tutulsa da, yenidən baxılma ilə inflyasiya proqnozu 2,7%-ə qədər azaldılıb.
Sevinc
