İran ABŞ-da ictimai nifaq salmağa və Donald Trampın Ağ Evə qayıtmaq cəhdini sarsıtmağa çalışır.
Qaynarinfo xəbər verir ki, bu barədə "The Washington Post” ABŞ kəşfiyyat rəsmilərinə istinadən yazır.
Qeyd olunur ki, Milli Kəşfiyyat Direktorunun Ofisi (ODNI), FTB və ABŞ Daxili Təhlükəsizlik Departamentinin jurnalistlər üçün təşkil etdiyi brifinqdə rəsmilər Tehranın Trampa qarşı çıxmasına eyham vursalar da, bunu birbaşa açıqlamayıblar. Yüksək rütbəli ODNI rəsmisinə görə, İranın 2020-ci ildə tutduğu mövqeyi bərpa etmək ehtimalı daha yüksəkdir və əlavə edib ki, onun liderləri "Birləşmiş Ştatlarla gərginliyi artıracağı nəticədən yayınmaq" istəyi ilə hərəkət edirlər.
Rəsmilər həmçinin qeyd ediblər ki, ABŞ hökuməti hər hansı xarici haker hücumları, müdaxilə və ya seçki maşınlarına və internet saytlarına müdaxilə aşkar etməyib, baxmayaraq ki, rəsmilər belə şəbəkələri "skan etmək” cəhdlərini görüblər.
Bundan əlavə, rəsminin sözlərinə görə, Rusiya da ABŞ seçkiləri üçün "əhəmiyyətli təhlükə” olaraq qalır, çünki Moskvanın "əsas marağı” "Kiyevə əlavə yardım təklif etmək istəyən namizədlərə qarşı çıxmaqdır”.
Bununla belə, nəşrin həmsöhbətinin fikrincə, Çinin prezident seçkilərinə təsir etmək planı yoxdur, baxmayaraq ki, ABŞ-ın casus agentlikləri, 2022-ci ildə bir neçə aralıq seçkilər zamanı olduğu kimi Pekinə meyilli şəxslərin seçki bülleteninə daxil olmayan namizədləri ləkələməyə cəhd edə biləcəyi ehtimalını izləyir.
Qeyd olunur ki, İran dezinformasiya yaymaq üçün geniş onlayn şəbəkəsinə və təbliğat resurslarına arxalanır və xüsusən də Qəzza münaqişəsi ilə bağlı İsraillə gərginliyi fəal şəkildə artırır.
İranın əsas təsir agentlərindən bəziləri ölkənin ali lideri ilə birbaşa əlaqələri olan İslam İnqilabı Keşikçiləri Korpusunun (SEPAH) himayəsi altında fəaliyyət göstərir.
Rəsmi bildirib ki, ABŞ prezidenti Co Baydenin bu yaxınlarda seçki yarışından çıxmaq qərarını nəzərə alsaq, İranın Trampın mümkün rəqibi Kamala Harrisi fəal şəkildə dəstəkləməyə çalışıb-çalışmayacağını qiymətləndirmək "olduqca tezdir”. 2020-ci ildə Tehran Trampın yenidən seçilmək perspektivlərini sarsıtmağa çalışıb, lakin heç bir namizədi fəal şəkildə təbliğ etməyib.
"Həmçinin vurğulamaq lazımdır ki, İranın təsir aktorlarından gördüyümüz fəaliyyətin əksəriyyəti xaos və parçalanmanın qızışdırılmasına yönəlməyə davam edir”, - rəsmi bildirib.
Bu ayın əvvəlində seçki təhdidləri ilə bağlı keçirilən brifinqdə ODNI rəsmiləri Tehranın Qəzzada müharibəyə qarşı etirazlardan yararlanmağa çalışdığını bildiriblər.
"Biz İran hökuməti ilə əlaqəli şəxslərin internetdə özlərini fəal kimi təqdim etdiyini, etirazları təşviq etməyə və hətta etirazçılara maddi dəstək verməyə cəhd etdiyini müşahidə etdik”, - ABŞ Milli Kəşfiyyatının direktoru Evril Heyns bildirib.
Eyni zamanda, bazar ertəsi, iyulun 29-da ODNI nümayənfəsi bildirib ki, kəşfiyyatda İranın "etirazçıları cəlb etməyə və ya dəstəkləməyə cəhd etdiyini” göstərən "heç bir əlavə məlumat” yoxdur.
Nizami Bağırov
