Azərbaycanın akademik avarçəkmə üzrə milli komandasının üzvü Diana Dımçenko bu gün Paris-2024 Yay Olimpiya Oyunlarında 1/4 final mərhələsində iştirak edib.
QOL.az xəbər verir ki, O, isveçrəli Yanzen Aurelia-Maksima Katalinaya, yeni zelandiyalı Tviqq Emmaya, ispaniyalı Dias Rivas Vircinaya, serbiyalı Arsik Covanaya və Filippinli Delqaso Joaniylə birgə yarımfinal uğrunda mübarizə aparıb.
Dimçenko mübarizəni 4-cü yerdə başa vurub. Bununla da o, C/D yarımfinalına yüksəlib.
Bu qrupda 1-ci yeri Tviqq Emmaya, 2-ci yeri Yanzen Aurelia-Maksima Katalinaya, 3-cü yeri isə Dias Rivas Vircinaya tutub. Bu üç idmançı birbaşa yarımfinalda iştirak etmək hüququ qazanıb.
