ABŞ-ın vitse-prezidenti Kamala Harrisin miqrantların kütləvi şəkildə qəbuluna yönəlmiş miqrasiya siyasəti antiamerikan xarakter daşıyır. Bu barədə respublikaçıların vitse-prezidentliyə namizədi J.D.Vens X sosial şəbəkəsində yazıb.
Bu yaxınlarda demokrat senator Elizabet Uorren CNN telekanalına müsahibəsində deyib ki, Harris prezidentliyə seçilərsə, miqrantlara Amerika vətəndaşlığı almaq üçün yeni imkanlar yarada bilər.

Uorrenin sözlərini şərh edən Vens Harrisin təşəbbüsünü milyonlarla qeyri-qanuni miqrantlara təsir edəcək kütləvi amnistiya adlandırıb. Siyasətçi vurğulayıb ki, Demokratlar Partiyasından ABŞ prezidentliyinə namizədin radikal miqrasiya siyasəti kökündən anti-Amerika xarakteri daşıyır.

ABŞ-da 60-cı prezident seçkiləri 2024-cü il noyabrın 5-də keçiriləcək.İyulun 21-də Co Bayden prezidentlik yarışını tərk etdiyini açıqladı. O qeyd edib ki, hazırkı səlahiyyət müddətinin qalan hissəsində prezident kimi öz vəzifələrini yerinə yetirməyə diqqət yetirsə, Demokrat Partiyası və ölkə üçün daha yaxşı olardı. Daha sonra ABŞ Seçki Komissiyası Kamala Harrisin prezidentliyə namizəd kimi irəli sürülməsi barədə bildiriş alıb.

aia.az
Tərcümə şöbəsi