Volqoqrad vilayətində "Kazan-Adler" sərnişin qatarı relsdən çıxıb.
BAKU.WS xəbər verir ki, bu barədə TASS məlumat yayıb.
Sərnişin qatarının 8 vaqonu relsdən çıxıb və hadisə nəticəsində 20-dən çox insan yaralanıb. Qəzaya səbəb yük maşınının qatar yoluna çıxması olub. Sürücü ağır xəsarətlərlə xəstəxanaya yerləşdirilib. Zərərçəkənlərə yerində tibbi yardım göstərilib.
Qeyd edək ki, bu ərazidə qatarların hərəkəti dayandırılıb, bu barədə Rusiya Dəmir Yolları bildirib.
