İngiltərəyə təhsil almağa gedən ryazanlı Nikita adlı rus Britaniya şirkətlərinin əcnəbiləri işə götürmək istəməməsindən şikayətlənib.
Publika.az xəbər verir ki, o, "Lenta.ru" ilə söhbətində bu haqda danışıb.
Yeniyetmə ikən xaricə köçmüş 22 yaşlı rusiyalı deyib ki, "Britaniya universitetlərindən birində oxuduqdan sonra asanlıqla iş tapa bilərsiniz" təsəvvürü yanlışdır. Təhsili başa vurduqdan sonra məzunlara iki il pulsuz yaşamaq hüququ verilir. Bu müddət ərzində çoxları şirkətlərdə işə düzəlməyə və iş vizası almağa çalışırlar. Nikita bildirib ki, qanunla işəgötürənlər bu vizaya sponsorluq etməlidirlər, yəni işçiyə əlavə pul xərcləməlidirlər, ona görə də onlar üçün əcnəbi olmayanı işə götürmək daha asandır.
Eyni zamanda Nikita qeyd edib ki, ingilislər üçün də işə düzəlmək çətindir. Bu, dünyadakı geosiyasi vəziyyətlə bağlıdır. O izah edib ki, İngiltərədə iş tapmağın ən asan yolu qazandığın əlaqələrdir.
"LinkedIn" xüsusi iş axtarışı xidməti vasitəsilə müraciət edə biləcəyiniz işlər "isti tortlar" kimi satılır", - deyə rusiyalı məzun deyib.
