Ancelina Coli bir dəfə intihar etmək fikrində olduğu üçün özünü öldürmək üçün bir killer tutub.
60 yaşlı Bred Pittdən hələ də boşanma prosesində olan “Oskar” mükafatçısı olan 49 yaşlı aktrisa ilk dəfə 2001-ci ildə həyatının "olduqca qaranlıq" dövründə qatillə danışdığını etiraf edib.
"Bu, çılğın səslənəcək, amma məni öldürmək üçün birini işə götürmək istədiyim vaxt var idi".
O bildirib ki, intihar etməkdənsə, öldürülməyi üstün tutur, çünki bu, yaxınlarının ölümlə barışmasını asanlaşdıracaq.
Onun sözlərinə görə, Nyu-Yorkda qatil tapmaq o qədər də çətin deyil:
"Nə qədər çılğın səslənsə də, düşünürəm ki, bir çox insan gənc olanda intihar haqqında düşünür".
Coli qatilə bank hesabında çox pul olmadığı üçün müəyyən müddət ərzində nağd pul verməyi planlaşdırdığını söyləyib:
“O, kifayət qədər layiqli insan idi və bu barədə düşünüb iki aydan sonra ona yenidən zəng edə biləcəyimi soruşdu. Həyatımda nəsə dəyişdi və qərara gəldim ki, mən bununla məşğul ola bilərəm”.
“Time”-a gənclik illərindən danışan Coli altı övladına ana olmağın ona bir şəxsiyyət kimi böyüməsinə imkan verdiyini söyləyib:
“Əslində heç vaxt düşünməmişdim ki, kiminsə anası ola bilərəm. Valideyn olmağa qərar verdiyimi xatırlayıram. Sevmək çətin deyildi. Başa düşmək çətin idi ki, bundan sonra hər şeyin yaxşı olacağına əmin olan mən olmalıyam”.
