Şabran şəhəri "Bayraq Meydanı"nda yerləşən süni örtüklü futbol meydançasında Quba-Xaçmaz Regional Gənclər və İdman İdarəsinin nəzdində fəaliyyət göstərən UGİM-in futbol bölməsinin U-11, U-12 və U-13 komandaları ilə Sumqayıtın həmyaşıd futbolçuları arasında yoldaşlıq oyunları keçirilmişdir.
Rekord.az xəbər verir ki, komandalara baxış və yeniyetmələrin fiziki-texniki hazırlıqları haqqında məlumatlanmaq, həmçinin idmançıların təcrübə qazanması və dostluq əlaqələrinin möhkəmlənməsi məqsədilə keçirilmiş yoldaşlıq görüşündə Quba-Xaçmaz Regional Gənclər və İdman İdarəsinin nəzdində fəaliyyət göstərən UGİM-in direktoru İlqar Məqami, məşqçi-müəllim Nəriman Əzimov və 55 nəfər yeniyetmə idmançı iştirak etmişdir.
