İran Tehran və İrəvan arasında silah müqaviləsi ilə bağlı yayılan xəbərləri təkzib edib

İranın Ermənistandakı səfiri Mehdi Sübhani Tehran və İrəvan arasında silah müqaviləsi ilə bağlı yayılan xəbərləri təkzib edib.

BiG.AZ xəbər verir ki, bu barədə İranın Mehr agentliyi məlumat yayıb.

Səfir vurğulayıb ki, bu xəbərlər əvvəllər İran İslam Respublikası haqqında yalan məlumatlar və zərərli analitik materiallar yayan etibarsız media orqanları tərəfindən yayılıb.Səfirin sözlərinə görə, məqsəd İran və Cənubi Qafqaz ölkələri arasında dostluq əlaqələrinin inkişafına təsir göstərməkdir. O, həmçinin qeyd edib ki, İran İslam Respublikası Qafqaz regionunda sülh və sabitliyin bərqərar olması və iqtisadi inkişafı dəstəkləyir.