![Qorxulu](/uploads/posts/2024-07/vir.jpg)
Mutasiyalarla özünü yeniləməyə davam edən koronavirusun son variantının yayılma sürəti narahatlıq doğurur. Ekspertlər bunun “ən yoluxucu variant” olduğunu bildirirlər.
Reyting.az xəbər verir ki, ABŞ-da yeni mutasiyaya məruz qalan infeksiya yüksək səviyyədədir.
ABŞ prezidenti Co Bayden koronavirusa yoluxduqdan sonra mütəxəssislər epidemioloji vəziyyətdən narahat olmağa başlayıblar.
2019-cu ilin sonunda başlayan və 2020-ci ildə bütün dünyanı əhatə edən koronavirus son vaxtlar ABŞ-nın 21 ştatının tullantı sularında “çox yüksək” olub.
Koronovirusun son variantı - SARS-COV-2 virusunun yüksək yoluxuculuq qabiliyyətinin olduğu bildirilir.
Yüksək temperatur səbəbindən yay səyahətlərinin və qapalı fəaliyyətlərin artması iki yeni variantın (KP.3 və KP.3.1.1) daha sürətlə yayılmasına səbəb olub.
Məlumatlar göstərir ki, ABŞ-nın ən azı 21 ştatında koronavirus hadisələri çox yüksək səviyyədədir.
Kaliforniya Universiteti bildirir ki, çox və ən yoluxucu variantlar mövcuddur.
Qeyd olunur ki, hazırda koronavirus testlərinin nadir hallarda aparılması xəstəliyin aşkarlanmasını çətinləşdirir.
Mütəxəssislər koronavirus simptomlarını digər tənəffüs yolları xəstəliklərindən ayırmağın çətin olduğunu və simptomlara diqqət yetirməyin hər zamankından daha vacib olduğunu bildirirlər.
Onların sözlərinə görə, ən azı bir koronavirus infeksiyası keçirmiş və ya peyvəndləri bu günə qədər olan insanlarda simptomlar çox vaxt soyuqdəymə və ya digər tənəffüs yolu xəstəliklərinə bənzəyir.
Ən çox görülən simptomlar bunlardır: burun axması, yorğunluq və əzələ ağrıları, boğaz ağrısı, öskürək, yüngül qızdırma, bulantı və ya ishal.
Həkimlər deyirlər ki, koronavirusu göstərən heç bir aşkar simptom yoxdur və əmin olmağın yeganə yolu testdən keçməkdir. Əlavə olunur ki, virusun bədəndə aşkarlanması üçün vaxt lazımdır və simptomlar görünəndən təxminən beş gün sonra test etməyi məsləhət görürlər.
V. QULİYEV