“Atletiko”nun futbolçusu Joao Feliks Madrid klubuna qayıdıb
İdmanxeber.az-ın məlumatına görə, ötən mövsüm icarə əsasında “Barselona”da keçirən oyunçu paytaxt təmsilçisinin düşərgəsindədi. Ancaq “Atletiko” oyunçunu saxlamaq istəmir.
Futbolçu yenidən icarəyə göndərilə və ya satıla bilər. Feliks 2019-cu ilin iyulunda 127,2 milyon avroya “Benfika”dan “Atletiko”ya keçib. Ümumilikdə o, komandada 131 oyun keçirib, 34 qol vurub və 18 məhsuldar ötürmə verib.
Portuqaliyalının klubla müqaviləsi 2029-cu ilin yayına kimi nəzərdə tutulub.
