Filippində həftə sonundan bəri davam edən “Butchoy” və “Carina” tropik qasırğaları nəticəsində 8 nəfər ölüb, 2 nəfər yaralanıb.
"Cebheinfo.az" xəbər verir ki, bu barədə Filippin Milli Fəlakət Riskinin Azaldılması və İdarə Edilməsi Şurasından (NDRRMC) açıqlama verilib.
Qasırğalardan 886 min 483 nəfərin zərər çəkdiyi bildirilib. Eyni zamanda, 33 min 645 nəfər 56 müvəqqəti sığınacağa köçürülüb, 67 bina qismən, 69 bina isə tamamilə dağılıb.
Bildirilib ki, qasırğa nəticəsində istifadəsiz qalan 7 avtomobil yolu, 1 körpü, 1 hava limanı və 3 liman bu günədək fəaliyyət göstərmir.
Tropik “Butchoy” qasırğasının şənbə günü ölkəni tərk etdiyini açıqlayan Filippin Atmosfer, Geofizika və Astronomiya Xidmətləri İdarəsi, “Carina” tropik siklonunun cümə axşamı günü təsirini itirəcəyini açıqlayıb.
