Nepalda qəzaya uğrayan “Saurya” Hava Yollarına məxsus sərnişin təyyarəsinin yalnız pilotu sağ qalıb.
Publika.az xəbər verir ki, bu barədə “Sky News” məlumat yayıb.
Nəşrin məlumatına görə, pilot Katmandu Tibb Kollecinin xəstəxanasına çatdırılıb və həyatı üçün təhlükə yoxdur. Paytaxt Katmandu hava limanının təhlükəsizlik şöbəsinin rəhbərinin sözlərinə görə, təyyarə texniki xidmət üçün Poxara şəhərinə 2 ekipaj üzvü və 17 texniki işçi aparırmış .
Təyyarə qısa müddət uçuş-enmə zolağının üzərindən uçub, sonra əyilib və yerə çırpılıb.
