Azərbaycan Müdafiə Nazirliyi Ermənistanın son günlər dövlət sərhədi istiqamətində atəşkəs rejimini pozmasına dair məlumatlar yayır.
Ermənistan Müdafiə Nazirliyi bu məlumatı təkzib etsə də, qonşu ölkənin ordusunda təxribatçı qüvvələrin olduğu rəsmi İrəvana da məlumdur.
Modern.az xəbər verir ki, Ermənistan Baş Nazirinin Ofisi atəşkəs rejiminin pozulması hallarının və onlar haqqında məlumatların araşdırılması üçün Ermənistan və Azərbaycan arasında birgə mexanizm yaratmaq təklifini bir daha gündəmə gətirib.
“Biz Ermənistan Respublikası hökumətinin artıq əldə edilmiş ictimai razılaşmalar çərçivəsində sülh gündəliyinə sadiqliyini bir daha təsdiqləyirik”, - Baş Nazirin Ofisi bəyan edib.
