Yay aylarında havanın temperaturu yüksəldikcə soyuq suya tələbat da artır. Xüsusilə birdən çox adamın olduğu mühitlərdə soyuq və isti su üçün su dispenserlərinə üstünlük verilir. Ancaq təmizlənməyən su dispenserləri bir müddət sonra xəstəliklərə səbəb olur.
Medicalmedia.az xəbər verir ki,Yoluxucu Xəstəliklər və Mikrobiologiya Mütəxəssisi Dr. Bəkir Uyğun təmizlənməmiş su dispenserlərində rotavirus, norovirus, Hepatit A, Hepatit E kimi virusların ola biləcəyini və bunların ishal, qusma və bağırsaq infeksiyalarına səbəb olacağını bildirib.
O vurğulayıb ki, hər 3 aydan bir vaxtaşırı təmizlənməli olan dispenserlər təmizlənmədikdə bakteriya və viruslar əmələ gətirə bilər.
