Ukrayna prezidenti Vladimir Zelenski mətbuat konfransında ABŞ-da keçiriləcək prezident seçkilərinə münasibət bildirib.
OXU24.COM xəbər verir ki, Ukrayna lideri ABŞ-da noyabrda keçiriləcək prezident seçkilərində qalib gələcəyi təqdirdə sabiq prezident Donald Trampla işləmək istədiklərini bildirib.
Zelenski Tramp prezident olarsa, onunla işləyəcəyini və bundan qorxmadığını deyib.
“Biz hər iki partiya tərəfindən dəstəklənirik. ABŞ siyasətinin Respublikaçı qanadı ilə isə daha güclü əlaqələrimiz var”, - Zelenski qeyd edib.
Xatırladaq ki, rusiyalı bir neçə siyasətçi Donald Trampa qarşı sui-qəsd cəhdinə görə Ukraynanı ittiham etmişdi. Onlar Zelenskinin Trampın prezident seçilməsindən qorxudğu üçün bu addımı ata biləcəyini iddia etmişdilər.
