13 iyul 2024-cü il tarixdə Sabirabad 1 saylı Mediasiya Təşkilatı, Salyan 1 saylı Mediasiya Təşkilatı və Cəbrayıl 1 saylı Mediasiya Təşkilatı Lənkəran 1 saylı Mediasiya Təşkilatını ziyarət ediblər.
QHT.az xəbər verir ki, görüş zamanı mediasiya haqqında maarifləndirmə kampaniyası keçirilib. Lənkəran şəhərində vətandaşlar arasında keçirilən marafon zamanı "Mediasiya nədir?", "Mediasiyanın üstünlükləri" kimi mövzularda çıxışlar edilib.
Marafonda Sabirabad 1 saylı mediasiya təşkilatının rəhbəri Musa Ramazanov, Salyan 1 saylı mediasiya təşkilatının rəhbəri Elman Hənifəli, Cəbrayıl 1 saylı mediasiya təşkilatının rəhbəri Tahir Balakişiyev, Lənkəran 1 saylı mediasiya təşkilatının rəhbəri Ramin Şükürov və bu təşkilatlarla əməkdaşlıq edən mediatorlar iştirak edib.