İtaliyanın "Napoli" klubu müdafiə xəttini yeni oyunçu ilə gücləndirib.
Sportal.az xəbər verir ki, Neapol təmsilçisi "Torino"dan Alessandro Buoncornonu rənglərinə bağlayıb. Bu barədə klubun mətbuat xidməti məlumat yayıb.
"Napoli" italyan futbolçu üçün onun klubuna 40 milyon avro təzminat ödəyib. 25 yaşlı mərkəz müdafiəçisi yeni klubu ilə 2029-cu ilin yayına kimi nəzərdə tutulan müqavilə imzalayıb.
Qeyd edək ki, Alessandro Buoncorno "Torino"nun yetirməsidir. İtaliya millisinin üzvü ötən mövsüm A Seriyası təmsilçisinin heyətində meydana çıxdığı 31 rəsmi matçda 3 qol və 1 məhsuldar ötürmə ilə yadda qalıb.
