Bu xəbər klubun sosial şəbəkə hesabında yayılıb:
“Adrian “Liverpul”u tərk edir. “Enfild”də keçirdiyi 5 il ərzində o, klubun uğurlarına dəyərli töhfə verib. Həm komanda yoldaşları, həm də personal arasında önəmli biri olan Adrian ən xoş arzularla “qırmızılar”ı tərk edir. Hər şey üçün təşəkkür edirik”.
Adrian ötən mövsüm "Liverpul"da bir matça belə çıxmayıb. Ümumilikdə Mersisayd təmsilçisinin heyətində keçirdiyi 26 oyunda 36 qol buraxıb və 7 dəfə qapısını toxunulmaz saxlayıb.
