Bu gün avrokubokların 2024/25 mövsümünə start veriləcək.
90deqiqe.Az xəbər verir ki, Çempionlar Liqasının I təsnifat mərhələsinin ilk oyunları çərçivəsində 6 matç baş tutacaq.
Yeni mövsüm Litvada keçiriləcək qarşılaşma ilə başlayacaq. “Panevejis” HİK-i qəbul edəcək. İlk təsnifat mərhələsinin digər oyunları isə belədir:
- 19:30. “Panevejis” – HİK
- 20:45. “Hamrun Spartans” – “Linkoln”
- 22:00. TNS – “Deçiç”
- 22:00. “Santa Koloma” – “Balkani”
- 22:45. “Vikinqur” – “Şemrok Rovers”
- 23:00. “Virtus” – “Styaua”
Azərbaycan çempionu "Qarabağ"ın potensial rəqibləri olan “Hamrun Spartans”la “Linkoln” arasındakı ilk oyun Maltada baş tutacaq. İlk raunddan azad olan “Qarabağ”ın rəqibinin müəyyənləşəcəyi bu cütlüyün cavab oyunu iyulun 16-da keçiriləcək.
“Qarabağ”la bu cütün qalibi arasında matçlar iyulun 23-24-də və 30-31-də baş tutacaq.
