Madrid məhkəməsi İspaniyanın baş naziri Pedro Sançes Beqonya Qomezin həyat yoldaşının ifadəsinin dayandırılmasına qərar verib və iclası iyulun 19-na təxirə salıb. Bizimyol.info xəbərv verir ki, bu məlumatı mətbuata hüquq-mühafizə orqalarında olan mənbələr təsdiqləyiblər. Baş nazirin həyat yoldaşı biznesdə əlaqələrin mümkün istifadəsi və korrupsiya ilə bağlı işdə şübhəli şəxs qismində ifadə vermək üçün bu səhər məhkəməyə gəlib. "EFE" agentliyinin məlumatına görə, Qomez iddianın təfərrüatlarından xəbərsiz olduğunu və nədə ittiham olunduğunu bilmədiyini deyib. Aprel ayında məhkəmə biznesdə əlaqələrdən və korrupsiyadan istifadə etməkdə şübhəli bilinərək Qomezə qarşı təhqiqatın başlandığını elan edib. Şikayət “Təmiz Əllər” sindikatı tərəfindən verilib və o, ittihamların mətbuatda dərc olunan yazılara əsaslandığını etiraf edib. “El Confidencial” qəzetinin məlumatına görə, iş Qomezin hökumətdən vəsait və dövlət müqavilələri alan bir neçə özəl şirkətlə münasibətlərinə əsaslanıb. Prokurorluq işə xitam verilməsini istəyib. İstintaq başlayandan sonra baş nazir vəzifəsində qalıb-qalmayacağı barədə düşünmək üçün bir neçə gün ictimai tədbirlərini ləğv edib. Sançes həmçinin Qomezə qarşı misli görünməmiş hücumlarda ölkənin sağçı və ifrat sağçı siyasi qüvvələrini günahlandırıb. Daha sonra baş nazir postunu tərk etməyəcəyini açıqlayıb. Qadir, Bizimyol.info
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
