Bu gün Böyük Britaniyada milyonlarla seçici erkən parlament seçkilərində iştirak edir.
Bakı vaxtilə saat 10:00-da başlayan səsvermə prosesi Bakı vaxtilə saat 19:00-da başa çatacaq.
40 min seçki qutusunun bağlanması ilə exit-pollun nəticələri açıqlanacaq.
Böyük Britaniyanın Baş naziri və 2010-cu ildən hakimiyyətdə olan Mühafizəkarlar Partiyasının lideri Rişi Sunak mayın 22-də növbədənkənar seçkilərin keçirilməsinə qərar verib.
Britaniya qanunvericiliyinə görə, ən çox yerə sahib olan partiyanın lideri Baş nazir seçilir və kral tərəfindən ona hökuməti formalaşdırmaq tapşırılır. İkinci yeri tutan partiyanın lideri ana müxalifət lideri olur.
Əgər heç bir partiya İcmalar Palatasında səs çoxluğu qazanmazsa, ən çox səs toplayan partiya koalisiya hökuməti və ya azlıq hökuməti yarada bilər.
Namizədlərin əksəriyyəti siyasi partiyanı təmsil etsə də, bəziləri müstəqil namizəd kimi iştirak edir.
Britaniyada sonuncu ümumi seçki 2019-cu il dekabrın 12-də keçirilib.
O vaxt Boris Johnson-un rəhbərlik etdiyi Mühafizəkarlar Partiyası seçkilərdə qalib gəlib və partiya 43,6 faiz səs alaraq 365 mandat qazanıb.
Baş nazirliyə namizədlər kimlərdir?
Şəklin mənbəyi, PA and Reuters
