Rusiya Müdafiə Nazirliyinin 58-ci Ordusunun keçmiş komandiri, general-mayor İvan Popova qarşı ittihamlar irəli sürülüb.
“AzPolitika” xəbər verir ki, bu barədə TASS agentliyi məlumat yayıb. General xüsusilə böyük miqyasda dələduzluqdan əlavə, cəmiyyətin və ya dövlətin maraqlarının pozulmasına səbəb olan vəzifə saxtakarlığında ittiham edilib.
Dələduzluq maddəsinə əsasən Popovu 10 ilədək, yeni ittiham üzrə dörd ilə qədər həbs gözləyir. General-mayor təqsirini boynuna almayıb.
Popovun vəkili Sergey Buinovski hesab edir ki, istintaq müvəkkilinin dələduzluq ittihamı ilə bəraət ala biləcəyindən ehtiyat edərək ittihama rəsmi saxtakarlıq maddəsi əlavə edib. Buinovski bildirib ki, istintaq bununla özünün maraqlarını təmin edib.
Bundan əlavə, vəkilin sözlərinə görə, dələduzluq maddəsi “saxtakarlıq maddəsini tam əhatə edir”, yəni ittiham bir əmələ görə iki dəfə cinayət məsuliyyəti nəzərdə tutur.
“İstintaq bizə heç vaxt Popovun cinayətlərdə iştirakına dair sübut təqdim etməyib, bütün ittiham fərziyyələrə əsaslanır” – deyə, müdafiə tərəfi iddia edir.
Daha əvvəl vəkil bildirib ki, general-mayor Ukraynadakı döyüş zonasına göndərilməyi xahiş etmək niyyətindədir ki, bu da cinayət işinin istintaqını dayandırmağa imkan verəcək.
General Popov həbsi mayın 21-də elan olunub. Müstəntiqlərin fikrincə, general-mayor 2023-cü ildə Zaporojye vilayətində cəbhə xəttində mühəndis -müdafiə strukturlarının avadanlıqları üçün alınmış 1700 tondan çox prokatın oğurlanmasında əli olub. Zərər 130 milyon rubldan çox qiymətləndirilir. O, günahını inkar edir. Artıq üç dəfə Popovun vəkillərin ev dustaqlığına buraxılması barədə vəsatətləri rədd edilib.
“Kommersant” yazıb ki, Popovun işində əvvəlcə adı açıqlanmayan başqa bir general ittiham olunub, lakin o, cinayət təhqiqatı başlamazdan əvvəl Ukraynadakı müharibədə öldürülüb.
58-ci Əlahiddə Ümumqoşun Ordusunun keçmiş komandiri olan 49 yaşlı Popov 2023-cü ilin iyulunda Rusiya ordusunun ağır vəziyyətini və yüksək itkiləri tənqid edtdikdən sonra komandirlikdən qovulub. Bu barədə informasiyalar daha sonra ictimaiyyətə ötürülüb.
Rasim Əliyev
“AzPolitika.info”
