Ötən gecə paytaxtın Xətai rayonunda binanın liftində yanğın baş verib.
Bu barədə məlumat BAKU.WS-in "qaynar xətti"nə daxil olub.
Sakinlərin sözlərinə görə, yanğın Neapol küçəsi 24 a ünvanında qeydə alınıb. Nəticədə xəsarət alan olmayıb.
Hadisə ilə bağlı FHN-in mətbuat xidmətindən BAKU.WS-in sorğusuna cavab olaraq bildirilib ki, Bakı şəhərinin Xətai rayonunda doqquzmərtəbəli yaşayış binasının pilləkən qəfəsinin 2-ci mərtəbəsində quraşdırılan elektrik lövhəsində 10 ədəd sayğac, 3 ədəd qoruyucu açar, və 5 p.m. kabeli yanıb.
Yanğın zamanı tüstülənmiş mənzillərdən 8 nəfər bina sakini yanğınsöndürənlər tərəfindən təxliyə olunub. Yaxınlıqdakı mənzillər yanğından mühafizə olunub.
Banu Hüseynli BAKU.WS VİDEO