Azərbaycan Paris-2024-də iştirakdan imtina edib?

Təhlükəsizlik məsələləri təmin olunacağı təqdirdə idmançılarımız Paris Olimpiya Oyunlarında çıxış edəcəklər.Elchi.az xəbər verir ki, bu sözləri Milli Olimpiya Komitəsinin mətbuat katibi Murad Fərzəliyev Oxu.az-a açıqlamasında idmançılarımızın Paris Olimpiadasında iştirak edib-etməyəcəyi barədə danışarkən deyib.“Beynəlxalq Olimpiya Komitəsi yarışların keçirilməsi zamanı bütün təhlükəsizlik məsələlərinə çox diqqətlə yanaşır. Bundan əlavə, Fransada baş verən hadisələrdən cavabdeh şəxs həmin ölkənin rəsmiləridir. Bizim təhlükəsizliyimizin təmin olunacağına zəmanət veriləcəyi təqdirdə, əlbəttə ki, Paris Olimpiya Oyunlarında çıxış edəcəyik”, – o bildirib.Qeyd edək ki, Parisdə keçiriləcək Olimpiya Oyunlarının iyulun 26-da başlaması və avqustun 11-dək davam etməsi planlaşdırılır.