İranın keçmiş prezidenti Məhəmməd Hatəmi bəyan edib ki, iranlıların 60 faizinin prezident seçkilərinin birinci turunda iştirak etməməsi “ölkədə çoxluğun qəzəbini” göstərən “görünməmiş” addımdır.
Hafta.az-ın yazdığına görə, islahatçılarla həmrəy olan Hatəmi, prezidentlərin bu mesajdan dərs alacaqlarına, dəyişiklik və islahatlara maneələri aradan qaldıracaqlarına ümid etdiyini bildirib.
Qeyd edək ki, cümə günü seçicilərin 60 faizi səsvermədə bitərəf qalıb və bu, İranda seçicilərin laqeydliyi üzrə rekorda imza atıb.
Dünən islahatçı Məsud Pezeşkian və mühafizəkar Səid Cəlili arasındakı yarışın ikinci turu öncəsi yenidən seçki sükutuna girib. Hər iki namizəd vədlərinə əməl etməməkdə ittiham olunur. Pezeşkiyan, "Mən geri çəkilməyə hazıram, amma Celili 8 faiz artım vədini yerinə yetirə bilməsə, edam edilməlidir" deyib.
