İndoneziyanın Cənubi Sulavesi əyalətində 9 metr uzunluğunda piton bir qadını udub.
Publika.az xəbər verir ki, bu barədə “The Sun” qəzeti məlumat yayıb.
Bildirilir ki, Siteba kəndində yaşayan 36 yaşlı Siriati dərman almaq üçün evindən çıxıb. O evə qayıtmadıqda isə polisə məlumat verilib. Araşdırmalar nəticəsində evlərindən 500 metr aralıda qadının ayaqqabıları tapılıb.
Ayaqqabıların tapıldığı yerin yaxınlığında pitonu görən səlahiyyətlilər, qarını şiş olduğu üçün onun qadını udduğundan şübhələniblər. Kənd sakinlərinin köməyi ilə Siriatinin cansız bədəni öldürülmüş pitonun qarnından çıxarılıb.
