ABŞ Daxili Təhlükəsizlik Departamenti son beş ildə ilk dəfə olaraq 116 çinli mühaciri böyük çarter reysi ilə geri göndərdiyini açıqlayıb.
News24.az xəbər verir ki, bu baradə The Guardian yazıb.
"Biz immiqrasiya qanunlarımızı tətbiq etməyə və Birləşmiş Ştatlarda qalmaq üçün heç bir hüquqi əsası olmayan şəxsləri deportasiya etməyə davam edəcəyik" Daxili Təhlükəsizlik katibi Alejandro Mayorkas deyib.
Həftə sonu həyata keçirilən uçuş ABŞ-da prezident seçkiləri ərəfəsində çinli mühacirlərlə bağlı gərgin siyasi müzakirələrə səbəb olub.
Nazirlik, "genişlənmiş hüquq-mühafizə səyləri vasitəsilə qeyri-qanuni miqrasiyanın azaldılması, qarşısının alınması və qeyri-qanuni insan alverinin qarşısının alınması" üçün Çin ilə birlikdə işlədiyini söyləyib. O, immiqrantların ABŞ-da nə qədər müddətdir olması ilə bağlı suallara cavab verməyib.
Nazirlik Çinlə gələcəkdə daha çox deportasiya uçuşları üzərində işlədiyini bildirib, lakin növbəti uçuşun nə vaxt həyata keçiriləcəyi ilə bağlı heç bir cədvəl açıqlanmayıb.
Günel Məlikzadə
