Belarus sərhədindəki təxribatların arxasında kimin olduğunu bilirik - Lukaşenko

"Belarus hakimiyyəti ölkənin dövlət sərhədində hər bir təxribatın arxasında duranların əsl məqsədlərini bilir və fəal hərəkət edir". Bizimyol.info xəbər verir ki, bunu Respublikanın Müstəqillik Günü və nasist işğalçılarından azad edilməsinin 80 illiyi münasibətilə keçirilən paradda çıxış edən prezident Aleksandr Lukaşenko deyib. “Bu gün ABŞ başda olmaqla bütün Avropa İttifaqı bizi öyrətməyə çalışır. Biz əsl məqsədləri bilirik, Belarusun dövlət sərhədində hər bir təxribatın, dinc əhaliyə qarşı hər bir terror təhlükəsinin arxasında kimin dayandığını bilirik. Bilirik, çünki biz fəal işləyirik. Bizim isə yalnız bir müəllimimiz var - tariximiz. Qaliblərin tarixi”, - deyə Lukaşenko bildirib. Onun sözlərinə görə, ötən əsrin əvvəllərində slavyanları öz təbii sərvətlərini və ərazilərini bacarıqla idarə edə bilməməkdə ittiham edirdilər, indi isə onları “guya yanlış demokratiya növü” olmaqda ittiham edirlər. Prezident deyib ki, sonra “müəllim” rolunu Hitler Almaniyası, indi isə Qərb öz üzərinə götürüb. Lukaşenko xatırladıb ki, nasistlərin cinayətlərinə bəraət və ya bağışlanma olmayıb və heç zaman ola bilməz. “Biz bunu torpaqlarımıza yenidən düşmənçilik səpən, onun toxumlarını atan, xalqını yeni qanlı qırğına sürükləməyə hazır olanlara deyirik. Vaşinqtonun yüksək ofislərində silah satmaqla, Ukrayna xalqını yoxsulluğa sürükləməklə fayda hesablayırlar, əsas məqsədə doğru irəliləyirlər. Əsrlər boyu onlarım bu mövqeyi dəyişməyib, lakin məlumat lentləri təkmilləşdirilir”, - deyə prezident davam etdi. Qadir, Bizimyol.info

• ABŞ
• Avropa İttifaqı
• Belarus
• müstəqillik
• Lukaşenko
• nasist işğalçıları