“Ermənistanla Azərbaycan arasında davam edən müzakirələr bizim üçün prioritetdir”.  
Yeniavaz.com xəbər verir ki, bu barədə ABŞ Dövlət Departamentinin mətbuat katibinin müavini Vedant Patel NATO sammitində İrəvan və Bakı arasında gözlənilən görüşü şərh edərkən bildirib.
“Cənubi Qafqaz problemləri kontekstində bu bizim üçün prioritet məsələdir. Biz Vaşinqtonda keçiriləcək NATO sammiti çərçivəsində konkret görüşlər və problemlər üzərində işləməyə davam edəcəyik”, - Patel deyib.
Ancaq Dövlət Departamenti görüşlərin konkret gündəliyi barədə məlumat verməyib.