İran Fələstin tərəfdarı etirazları yatırtdıqları üçün 11 amerikalıya sanksiya tətbiq edib

İran ABŞ universitetlərində Fələstin tərəfdarı etirazların yatırılmasında iştirakına görə amerikalı polis zabitlərinə qarşı sanksiyalar tətbiq edib. Bizimyol.info xəbər verir ki, bu barədə İslam Respublikası Xarici İşlər Nazirliyinin "Telegram" kanalında yerləşdirilən məlumatda deyilir. İran rəsmiləri “Sionist rejimin Qəzzadakı cinayətləri qarşısında məzlum Fələstin xalqına dəstək verən ABŞ-da universitet tələbələri və professorlarının dinc aksiyasını yatırmaqla insan haqlarını pozan” 11 məmurun adını çəkib. Siyahıya Kolumbiyanın Metropolitan Dairəsinin polis rəisləri Pamela Smit və Nyu-Heyven (Konnektikut) polis rəisləri Karl Ceykobson daxildir. İşdə iştirak edən bütün şəxslərin İrana daxil olması qadağandır və əgər onlar İslam Respublikasının yurisdiksiyasındadırsa, onların aktivləri dondurulur. İsrailin Qəzza zolağında keçirdiyi hərbi əməliyyat fonunda Amerika universitetlərində Fələstinə dəstək aksiyaları keçirilir. Nümayişçilər 80-dən çox tələbə şəhərciyində düşərgələr qurdular və 1300-dən çox insan həbs olundu. Etirazçıların əsas tələbi İsrailə maliyyə dəstəyinin dayandırılmasıdır. Qadir, Bizimyol.info

• sanksiya
• ABŞ
• etiraz
• Fələstin
• İran