Portuqaliya yığmasının hücumçusu Kristiano Ronaldo AÇ-2024-ün 1/8 finalında Sloveniyaya qarşı keçirdikləri oyunu şərh edib.
Arena.az xəbər verir ki, yığmanın 39 yaşlı kapitanı çətin zəfərlə bağlı bunları dilə gətirib:
“Əlbəttə, asan olmadı, nə deyə bilərəm. Oyun bu qədər uzandı, amma öz imkanımızdan istifadə etmək gərəkdir – onda bu iş lotereyaya gedib çıxmaz. Burada mən ləngərlədim – qol vura bilmədim, amma Yan Oblak dünyanın ən güclü qapıçılarından biridir. O, başqa məqamlarda da qurtarışları ilə imdada yetdi. Mən özümü təshih edə bildim, komanda isə çalışdı, bütün 120 dəqiqəni dözdü və başını itirmədi. Çox sağ olun. Sloveniya yığması güclü, mütəşəkkil komandadır, amma əsas qəhrəman bizim qapıçımızdır”, deyə Ronaldo vurğulayıb.
Ulduz futbolçu onu da bildirib ki, Almaniyada keçirilən AÇ-2024 onun karyerasında sonuncu Avropa çempionatıdır:
“Bu, əlbəttə ki, mənim sonuncu Avropa çempionatım olacaq. Amma bu, məni narahat etmir, məni hərəkətə gətirən həvəsdir. Azarkeşlərə acıdım. Darıxsam da, olmasam da, bu köynək üçün hər zaman tam gücümü ortaya qoyacağam. Və mən bunu ömrüm boyu edəcəyəm. Biz məsuliyyət daşımalıyıq”, deyə Ronaldo vurğulayıb.
Kristiano Ronaldo 2023-cü ilin yanvarından “Əl-Nəsr”də çıxış edir. Portuqal ulduz ərəb klubuna 2023-cü ilin yanvarında “Mançester Yunayted”dən azad agent qismində keçib.
Ronaldonun “Əl-Nəsr”lə müqaviləsi 2025-ci ilin iyun ayının sonuna qədər qüvvədədir.
Geridə qalmış mövsümdə Ronaldo “Əl-Nəsr”in heyətində bütün yarışlarda 45 oyuna çıxıb, 44 qol vurub, 13 məhsuldar verib.
Kristiano hazırda kapitanı olduğu, 2003-cü ilin avqust ayının 20-də debüt etdiyi Portuqaliya yığmasının heyətində 211 oyun keçirib, 130 qol vurub və 47 məhsuldar ötürmə verib. Ronaldonun yığma komandanın heyətindəki oyun və qol sayı mütləq dünya rekordudur.
“Transfermarkt” internet-portalı 39 yaşlı veteran hücumçunun transfer dəyərini 15 milyon avro məbləğində qiymətləndirir.
