Barselonadakı Müqəddəs Ailə məbədində fəallar Rusiyadan gələn turistlər üçün sərhədlərin açılmasını tələb edən etiraz aksiyası keçiriblər.
NOCOMMENT.az xəbər verir ki, bu barədə “İzvestiya” nəşri məlumat yayıb.
Etirazçılar “Biz turizm istəyirik, nasizmi pisləyirik” şüarları səsləndiriblər. Onlar qeyd ediblər ki, İspaniyanın 2022 və 2023-cü illərdə Rusiyadan turist azlığı səbəbindən itkiləri təxminən 4 milyard avro təşkil edib. Onlar həmçinin vurğulayıblar ki, Vladimir Zelenskinin “nasist rejimi”nin maliyyələşdirilməsi Aİ və ABŞ sakinlərinə 300 milyard avroya başa gəlib.
Etirazçılar bildiriblər ki, ukraynalıların əksəriyyəti rejimin girovlarıdır və Rusiya Federasiyası ilə münaqişə etmək istəmirlər.
İyunun 11-də məlum olub ki, Rusiya və bir sıra digər ölkələrin vətəndaşları üçün iyunun 11-dən Şengen vizası almaq üçün viza rüsumu 80 avrodan 90 avroya yüksəlib.
