Dövlət Departamenti: Bakı-İrəvan danışıqları əsas prioritetimizdir

ABŞ Vaşinqtonda keçiriləcək NATO sammiti çərçivəsində konkret görüşlər və tapşırıqlar istiqamətində Azərbaycan və Ermənistanla işləməyə davam edəcək.

Bizim.Media xəbər verir ki, bu sözləri ABŞ Dövlət Departamentinin mətbuat katibinin birinci müavini Vedant Patel brifinq zamanı bildirib.

O qeyd edib ki, iki ölkə arasında davam edən müzakirələr Dövlət Departamenti üçün prioritetdir:

“Cənubi Qafqazdakı problem kontekstində bu, bizim üçün prioritet məsələdir. Biz NATO sammiti çərçivəsində konkret görüşlər və tapşırıqlar üzərində işləməyə davam edəcəyik”.
Dövlət Departamentinin sözçüsü görüşlərin konkret gündəliyi barədə danışmaqdan imtina edib.

Bizim.Media

• Azərbaycan
• Ermənistan
• ABŞ
• NATO
• müzakirələr