İstanbul nəhəngi "Atletiko"nun futbolçusu ilə müqavilə bağladı

"Fənərbaxça" ötən mövsüm "Atletiko"dan icarəyə götürülən Çağlar Söyüncü ilə bağlı qərar verib. Sport24.az xəbər verir ki, İstanbul təmsilçisi türk müdafiəçinin transfer hüququna yiələnib. Bu barədə klubun mətbuat xidməti məlumat yayıb.
 
Superliqa nəhəngi 28 yaşlı mərkəz müdafiəçisi üçün İspaniya klubuna 8,5 milyon avro təzminat ödəyib. Təcrübəli oyunçu ilə "3+1" şərti ilə müqavilə imzalanıb.
 
Qeyd edək ki, Çağlar Söyüncü ötən mövsümün ikinci yarısını "Fənərbaxça"da keçirib. Türkiyə millisinin üzvü komandanın heyətində meydana çıxdığı 16 rəsmi matçda 2 qol və 1 məhsuldar ötürmə ilə yadda qalıb.