Fransa yığmasının baş məşqçisi Didye Deşam AÇ-2024-ün 1/8 finalında Belçika millisi üzərində qazandıqları qələbəni (1:0) şərh edib.
Arena.az xatırladır ki, “xoruzlar” belçikalıların öz qapısına vurduğu qol yekununda qələbəni bayram ediblər.
“Komandamız xeyli tərəqqi əldə etdi, rəqiblərimiz kağız üzərində hücumameyilli komanda olsalar belə, açıq-aşkar ehtiyatlı davrandılar. İmkanlar yaratmaq üçün əlimizdən gələni etdik və daha çox imkan yaratdıq, amma gözləmə oyununu oynadıq, onların tələsinə isə düşmədik. Bu, mənim xoşuma gəldi, amma açıq-aydın, sadəcə topa sahib olmaqla qalib gəlmək mümkünsüzdür.
İnsanlar 1/4 finala çıxacağımızı gözləsələr belə, gəlin, bu anın həzzini yaşayaq. Heç nə asan başa gəlmir. Biz 1/4 finaldayıq və bu, yarışın vacib mərhələsidir”, – UEFA-nın mətbuat xidməti fransız mütəxəssisdən sitat gətirir.
Belçika yığmasının bəxtsizcəsinə evə yollanması mənzərəsində 1/4 finala yüksəlmiş Fransa millisi bu mərhələdə Portuqaliya ilə qarşılaşacaq.
