Bakı, 2 iyul, AZƏRTAC
“Gələn il Azərbaycanda keçiriləcək III MDB Oyunlarına hazırlıq işlərimiz davam edir. Artıq işçi qrup Oyunların yüksək səviyyədə təşkili üçün fəaliyyətə başlayıb”.
AZƏRTAC xəbər verir ki, bu fikirlər gənclər və idman naziri Fərid Qayıbova məxsusdur.
Nazir bildirib ki, 14 şəhərdə - Gəncə, Xankəndi, Mingəçevir, Qəbələ, İsmayıllı, Şəki, Şəmkir, Tovuz, Qazax, Göygöl, Yevlax, Oğuz, Tərtər və Goranboyda 22 idman növü üzrə 33 proqramda təşkil olunacaq III MDB Oyunları coğrafiyasına və növlərin sayına görə Azərbaycanın ev sahibliyi edəcəyi ən böyük yarış olacaq.
