İsrail Livana qarşı genişmiqyaslı müharibəyə başlayarsa, İran şiə Hizbullah hərəkatını bütün vasitələrlə dəstəkləyəcək.
Publika.az xəbər verir ki, bunu İranın ali dini liderinin müşaviri və İranın Beynəlxalq Əlaqələr üzrə Strateji Şurasının rəhbəri Kamal Xərazi “Financial Times” (FT) qəzetinə müsahibəsində deyib.
Xərazinin sözlərinə görə, genişmiqyaslı qarşıdurma halında Livan xalqı, ərəb ölkələri və üzvləri İsrailə qarşı mübarizədə Livana dəstək verəcək.
“Bu vəziyyətdə bizim Hizbullaha hər vasitə ilə dəstək olmaqdan başqa çarəmiz olmayacaq”, - o deyib.
Eyni zamanda İran liderinin müşaviri qeyd edib ki, heç kim münaqişənin qızışmasında maraqlı deyil.
“Müharibənin genişləndirilməsi nə İranın, nə də ABŞ-ın maraqlarına uyğun deyil”, - deyə Xərazi yekunlaşdırıb.
